खरेलको अभिव्यक्तिले आफूहरु लान्छित भएको भन्दै डिआइजीहरुले आपत्ति जनाएपछि प्रहरी प्रधान कार्यालयले डिआइजी विज्ञान शर्माको संयोजकत्वमा छानबीन समिति गठन गरेको थियो । समितिमा महानगरीय प्रहरी आयुक्तको कार्यालयका एसएसपी रमेश पाण्डे र कानुन विभागका एसपी गणेश थापा सदस्य छन् ।

समितिले खरेलसँग बयान लिइसकेको छ । एक साताको समय पाएको छानबीन समितिको म्याद पनि आइतबार सकिएको छ । समितिलाई खरेलको विवादस्पद अभिव्यक्तिको छानबीन गरि कारवाहीको सिफारिस गर्नेसम्मको अधिकार दिइएको छ ।

समितिले खरेलको बोलेको भनिएको विवादस्पद अभिव्यक्तिको भिडियो तथा अडियो टेप समेत अनुसन्धान गरेको स्रोतले जनाएको छ । उनका बारेमा परेका अन्य उजुरीहरुको बारेमा भनें कार्यादेश बमोजिम छानबीन गरिएको समितिका एक सदस्यले बताए ।

खरेललाई काठमाडौंको प्रमुखबाट हटाउन गृहमन्त्रालयले निर्वाचन आयोगमा पत्राचार गरे पनि निर्वाचन आचारसंहीता लागु भएको कारण काज सरुवा अस्वीकार गरेको थियो । त्यसपछि हेडक्वार्टरले उनीमाथि छानबीन गर्न भन्दै प्रधान कार्यालयमा तानेको छ ।