चार पटकका बालोन डि’ओरका विजेता मेस्सीले बार्सिलोनाका लागि च्याम्पियन्स लिग र ला लिगासँगै धेरै उपाधि जितेका छन् । तर, अर्जेन्टिनालाई विश्वकप दिलाउन नसकेको भन्दै आलोचना पनि हुने गरेको छ ।

तर, जाभियर जानेटी मेस्सीले फुटबल मैदानमा जे गरेका छन् त्यो अद्भुत रहेको बताउँछन् । दैनिक रुपमा खेल्ने खेलाडीसँग एकअर्कामा टाढैबाट बुझ्ने क्षमता विकास हुने तर, केहिले काँही खेल्नेसँग नहुने भन्दै उनले मेस्सीले अर्जेन्टिनाका लागि भन्दै बार्सिलोनालाई बढी जिताउनु स्वभाविक भएको बताए ।

उच्च खेलाडीहरुलाई देशका लागि खेल्दा असहज हुने भन्दै उनले भनेका छन्-’म उनलाई यो विश्वकपमा उत्कृष्ट हुने देख्दैछु । यो स्टेज उनकै लागि निर्माण भएको हो । मलाई लाग्छ यो हाम्रो समय हो र हामीले मेस्सीले उपाधि उचालेको देख्छौं ।’

विश्वकपको उपाधि जित्न सहज नभएको भन्दै जाभियर जानेटीले भनेका छन्-’भाग्यले पनि साथ दिनुपर्छ । जुन सँधै हाम्रो बाटोमा हुँदैन ।’ मानिसहरुले हरेक विश्पकपमा अर्जेन्टिनालाई उपाधिको दावेदारका रुपमा हेरे पनि त्यो विरोधाभास भएको उनले बताए ।

अर्जेन्टिनाका जनताको जीवनमा फुटबल अभिन्न अंग भएको भन्दै उनले ट्रफी विना टोली घर र्फकँदा उनीहरु निरास हुने बताए । उनले भनेका छन्-’तर, यो पटक हामी गर्छौं । धेरैले अपेक्षा गरेका छन् कि मेस्सी, गोन्जालो हिगुइन र सर्जिओ एग्युरो अगाडी हुनेछन् ।’