अधिकृतसहित वन समितिका २५ जना अख्तियारको फन्दामा
५
पुस, काठमाडौं । तराईका विभिन्न सामुदायिक वनमा भ्रष्टाचार बढ्न थालेपछि
अख्तियार दुरुपयोग अनुसन्धान आयोगले बारा जिल्लाका पूर्व वन अधिकृत, रेञ्जर
र ७ वटा वनसमितिका पदाधिकारी सहित २५ जनाविरुद्ध शुक्रबार विशेष अदालतमा
मुद्दा दायर गरेको छ । अभियोगपत्रमा करिब साढे ३ करोड भ्रष्टाचार गरेको
उल्लेख छ ।
जिल्लाका पूर्व वन अधिकृत समेत ११
कर्मचारी अख्तियारको फन्दामा परेका छन् । बारा जिल्लाका ओम नमोवुद्ध
सामुदायिक वन, राधाकृष्ण, वनशक्ति महिला, शिवशक्तेश्वरी, जनशक्ति, नागमणि
महिला र ब्रम्हबाबा समेतका ७ वटा सामुदायिक वनका पदाधिकारीविरुद्ध अख्तियार
दुरुपयोग अनुसन्धान आयोगले मुद्दा चलाएको हो ।
अख्तियारको फन्दामा पर्नेहरुमा जिल्ला वन
कार्यालय बाराका तत्कालीन जिल्ला वन अधिकृत मोहन कोइराला, सहायक वन
अधिकृतहरु श्यामकुमार निराला, बिन्दाप्रसाद पटेल, रामाश्रय यादव, अशोककुमार
सिंह, अशोककुमार झा, प्रकाशकुमार बर्मा, मोहमद समिउल्लाह र राममनोहर साह
छन् । त्यसैगरी रेन्जरहरु धर्मराज चौधरी, सञ्जयकुमार चौरसिया समेतका ११ जना
वन कर्मचारीहरु उपर भ्रष्टाचारको मुद्दा दायर गरिएको अख्तियारका प्रवक्ता
श्रीधर सापकोटाले जानकारी दिनुभयो ।
त्यसैगरी सामुदायिक वनका अध्यक्षहरु
सूर्यबहादुर वाइवा, मिनराज रिमाल, सीतामाया वाइवा, बिष्णुबहादुर घलान,
मोहनबहादुर खड्का, मीना लामा, अमिरलाल चौधरी पनि कारवाहीमा तानिएका छन् ।
त्यस्तै उल्लेखित सामुदायिक वनका सचिवहरु बुद्धिकुमार तामाङ्ग, लालबहादुर
कार्की, बिष्णुमाया थिङ्ग, रोशन पाखि्रन, रोवन लोप्चन, मीरा पोखरेल र
राजकुमार थापासमेत १४ जना वनसमितिका पदाधिकारुी उपर भ्रष्टाचारको मुद्दा
लागेको छ । ११ कर्मचारी र १४ २५ जना उपर शुक्रबार विशेष अदालत काठमाडौंमा
अभियोग पत्र दायर गरिएको सापकोटाले बताउनुभयो ।
उल्लेखित वन समितिका पदाधिकारी र
कर्मचारीको मिलेमतोमा साल, सिसौ, खयर र अन्य जातका रुखहरुको छपान, कटान,
मुछान, ओसारपसार र बिक्री वितरण समेतका काम कारवाही गर्दा कानून विपरीत कुल
५१ हजार ५ सय ७० दशमलव ४६ क्यूविक फिट काठ हिनामिना एवं हानी नोक्सानी
गरेको अख्तियारको दाबी छ । अख्तियारले विशेष अदालतमा दायर गरेको उजुरीमा ३
करोड ४२ लाख ८० हजार ५ सय २२ रुपैयाँ २५ पैसा भ्रष्टाचार गरिएको उल्लेख छ
0 comments
Write Down Your Responses