एप्पलले सस्तो मूल्यमा फेरि आइफोन–४ बेच्दै
भारत
र चीनजस्ता ठूलो आकार र अक क्रयशक्ति भएका उपभोक्ताका लागि भन्दै आइफोन
निर्माता एप्पलले आइफोन ५सी र ५एस सार्वजनिक गरे पनि त्यसले बजारमा खासै
तहल्का मच्चाउन सकेन् ।
उल्टै
एप्पलसँग प्रतिस्पर्धा गरिरहेको सामसुङले बजार हिस्सा बढाउँदै लग्यो ।
यसको कारण थियो– सस्तो भनेर प्रचार गरिएका यी दुई मोडल वास्तविक रुपमा
सस्तो नहुनु ।
मध्यमखाले मूल्यका स्मार्टफोनमा सामसुङले
एकछत्र राज गरेपछि आइफोनले आफ्नो ४जी मोडललाई सस्तो मूल्यमा पुनः बजारमा
ल्याउने भएको छ । भारतीय बजारलाई लक्षित गर्दै पुनः सार्वजनिक गर्न लागिएको
आइफोनको मूल्य करिव १५ हजार भारतीय रुपैयाँ(नेरु २४ हजार) हुने बताइएको छ ।
आइफोन ४ पछि एप्पलले ४ एस, ५, ५सी र ५एस
बजारमा ल्याएको छ । नयाँ मोडल ल्याएपछि एप्पलले आइफोन ४ लाई बिश्वब्यापी
बजारमा बेच्न बन्द गरेको थियो ।
एप्पलका भारतस्थित बिक्रेताहरुले केही
समयपछि नै ८ जीवी क्षमतायुक्त आइफोन ४ पुनः बजारमा बिक्रि खुला गर्न
लागिएको दावी गरेका छन् । आइफोन ४ लाई बिक्रि गर्न रोकेपछि एप्पलको युनिट
सेल्स घटेको छ ।
पछिल्लो क्वाटरमा उसको बजार हिस्सा घटेको
भारतीय अनलाइन इकोनोमिक टाइम्सले जनाएको छ । ३० हजार रुपैयाँ हाराहारीको
सेग्मेन्टमा आइफोनको उपस्थीति नदेखिएपछि एप्पले आइफोन ४ पुनः बितरण गर्न
लागेको बताइएको छ ।
यसबारेमा एप्पल अधिकारीहरुले औपचारिकरुपमा
केही बोलेका छैनन् । आइफोन ४ फेरि उत्पादन गर्न लागिएको हो वा मार्केटबाट
फिर्ता ल्याइएका सेटलाई भारतीय बजारमा मात्र बेच्न लागिएको त्यसबारे स्पष्ट
हुन सकेको छैन् ।
0 comments
Write Down Your Responses