देउवा हराउन राष्ट्रपति लागेको आरोप
काँग्रेसका
बरिष्ठ नेता शेरवहादुर देउवा संसदीय दलको नेताका लागि भएको निर्वाचनमा
आफूलाई हराउन राष्ट्रपति रामवरण यादवले लबिङ गरेको भन्दै रुष्ट भएका छन् ।
देउवा पक्षीय नेताहरुले तटस्थ बस्नुपर्ने मर्यादित पदमा बहाल रहँदा पनि
राष्ट्रपतिले पार्टीभित्र एकउटा उम्मेदवारका पक्षमा लागी भोट मागेर मर्यादा
नाघेको आरोप लगाएका छन् ।
देउवा पक्षीय नेताहरुको सोमवार बसेको
चुनाव समीक्षा बैठकले राष्ट्रपतिले धनुषा, महोत्तरी, सिराहालगायत तराईका
सभासदलाई शीतलनिवासमै बोलाएर सुशील कोइरालालाई भोट हाल्न दबाब दिएको
निष्कर्ष पिनकालेको छ । ’राष्ट्रपति संविधानअनुसार बस्नु पर्ने हो, समीषा
बैठकमा सहभागी एक नेताले भने,’उहाँले तीन बर्ष अघि भएको पार्टीको १२ औँ
महाधिवेशनमा पनि एउटा पक्षलाई जिताउन दबाब दिनुभयो । उहाँले अहिले संसदीय
दलको नेताको निर्वाचनमा पनि हामीलाई हराउन लाग्नुभयो । यो राष्ट्रपतिको
मर्यादाविपरीत काम हो ।’
नेता चयनका लागि मिति तोकेदेखि नै
राष्ट्रपतिले मेधसवाट प्रतिनिधित्व गरेका सभासदलाई बोलाएर कोइरालालाई भोट
हाल्न दबाब दिएको विवरणसहितको सूची बैठकमा पेस गरिएको थियो । देउवालाई भाट
हाल्ने निर्णयमा पुगेका तराईका सभासद संगीता मण्डल, मुक्ता यादव,
रामअयोध्याप्रसाद यादव, रश्मी ठाकुरलगायतलाई राष्ट्रपतिले शीतल निवास
बोलाएर कोइरालालाई भोट हाल्न दबाद दिएको ठहर बैठकले गरेको छ । आजको अन्नपूर्ण पोस्ट दैनिकले समाचार छापेको छ ।
0 comments
Write Down Your Responses