विचारले धेरैलाई आकर्षण गर्ने समय छ। प्रशंसकहरू बढ्नेछन्। सहयोगीहरूले काममा साथ दिनेछन्। राम्रै फाइदाको योग छ। विगतको श्रमबाट प्रशस्त धन लाभ हुनेछ। पठन–पाठनमा प्रगति हुनेछ। विशेष सभा–समारोहमा सहभागी बन्ने मौका छ। अपराह्नपछि अलि प्रतिस्पर्धा गर्नुपर्ला। काम भने बन्नेछन्। नयाँ उद्योग वा रचनात्मक काममा जुट्ने समय छ।

समुदायको हितमा राम्रै काम गर्न सकिनेछ। सामाजिक उत्तरदायित्व वहन गर्दै फाइदा हुने काम र जिम्मेवारी हात पार्ने मौका छ। आफ्नो वर्ग वा क्षेत्रको नेतृत्व हातलागी हुनेछ। तर, सानातिना काममा महत्वपूर्ण समय खर्चनुपर्ला। ठूलो आशा देखाउनेहरूबाट धोका पाइने समय छ। साँझदेखि कर्मसिद्धि र प्रतिष्ठा पाइने योग छ। कीर्तिमानी काम सम्पादन होला।

सुखदु:खमा साथ दिनेहरू प्रशस्तै भेटिनेछन्। मनोरञ्जनका वस्तुहरू लाभ हुनेछन्। गरेका काम र व्यवसायमा पनि राम्रै फाइदा हुनेछ। व्यावसायिक यात्रा सम्भावना छ। आतिथ्यपूर्ण सम्मान पनि पाइएला। मित्रता र प्रेमको बन्धन कसिनेछ। साँझदेखि स्थिति अलि प्रतिकूल बन्न सक्छ। स्वास्थ्य, महत्वपूर्ण काम र आर्थिक गतिविधिमा सचेत रहनुहोला।