किन रोए कप्तान पारस
१९
मंसिर, काठमाडौं । नेपाल क्रिकेट संघ (क्यान)ले विश्वकपमा पुगेको अवसरमा
नेपाली टोलीको सम्मानमा आयोजना गरेको कार्यक्रममा एकाएक सन्नटा छायो ।
क्रिकेट टोलीका कप्तान पारस खड्काले आफूलाई सम्हाल्न सकेनन् । उनी मज्जाले
रोए ।
प्रमुख अतिथि मन्त्रिपरिषदका अध्यक्ष
खिलराज रेग्मीसमेत उपस्थित कार्यक्रममा अन्य पाहुनाले पनि आफूलाई नियन्त्रण
गर्न सकेनन् । धेरैको आँखा भिजेको थियो ।
‘म
प्रायः रुन्न, तर आज आफूलाई रोक्न सकिरहेको छैन,’ नेपाल ट्वान्टी-२०
विश्वकपमा पुगेको खुसी मनाउन आयोजित कार्यक्रममा मन्तव्य राख्दाराख्दै पारस
झन भक्कानिए ।
क्यानका महासचिव अशोकनाथ प्याकुरेलले त्यसलाई जितमा बगेको खुसीको आँसु भनेर अथ्र्याएपछि मात्रै माहोल सम्हालियो ।
‘हामी सबै भन्छौं देश विकास गर्ने, देश
बनाउने भनेर । देश बनाउने के गर्नुपर्दो रहेछ, अहिले थाहा पाइरहेकाछौं ।’
पारसले रुँदै प्रशिक्षक पुबुदु दासानायकेको प्रशंसा गरे, ‘धन्यवाद छ हाम्रा
प्रशिक्षकलाई । एउटा मान्छेको भिजनले हामी यति गर्न सक्छौं भन हामी अझै
अघि बढ्न सक्छौं । नेपाली क्रिकेटले पाएको सफलताको मुख्य श्रेय उनले
प्रशिक्षक दासानायकेलाई दिए ।
नेपाली क्रिकेट टोली र प्रशिक्षक
दासानायाकेलाई हामी गर्न सक्छौं भन्ने आधारका रुपमा मान्नुपर्ने उनले बताए ।
‘खाली आफूमा विश्वास हुनु पर्यो, हामी अगाडि बढ्न सक्छौं भनेर । सबै
मिलेर अगाडि बढ्ने हो भने हामी धेरै राम्रो गर्न सक्छौं,’ उनले गर्भसाथ
भने, ‘हामीले देशका सबैलाई खुसी पारेका छौं, त्यसका लागि हामी गर्व गछौं ।
भविष्यमा जसरी होस् नेपालीलाई खुसी पार्न सक्दो प्रयास गर्नेछौं ।’
0 comments
Write Down Your Responses