कांग्रेस केन्द्रीय समितिमा सुजाताको कल डिटेल देखाउन माग
६
पुस, काठमाडौं । संविधानसभा चुनावमा भएको अन्तर्घातले नेपाली कांग्रेसमा
चर्को रुप लिएको छ । आफूले पेस गरेको प्रमाण नेतृत्वले बैठकमा प्रस्तुत
नगरेको भन्दै शुक्रबार आमोदप्रसाद उपाध्यायले आक्रोश पोखेका थिए । अनुशासन
समितिका संयोजकसमेत रहेका उपाध्यायले पार्टी नेतृत्वले नै अन्तर्घातीमाथि
कारबाही नगर्ने वातावरण बनाउन लागेको भन्दै आपत्ति प्रकट गरेका थिए ।
उपाध्यायले
नातेदारसमेत रहेकी सुजाता कोइरालाको टेलिफोन कल डिटेल बैठकमै ल्याई सबैलाई
देखाउन माग गरे । उनी मोरङ क्षेत्र नम्बर १ बाट उम्मेद्वार थिए । बैठकमा
रामशरण महत, बलबहादुर केसीलगायत केन्द्रीय सदस्यले पनि अन्तर्घात
गर्नेहरुमाथि कारबाही गर्नुपर्ने बताएका थिए ।
बैठकमा अनुसासन समितिले प्रत्यक्ष
निर्वाचनमा पार्टीका उम्मेद्वारलाई अन्तर्घात गरी हराएको आरोप लागेका ३१
जनामाथि कारबाही गर्न विशेष छानबिन आयोग गठन गर्न माग गरेको छ ।
समानुपातिकको सूचीमा रहेका ३१ जना विरुद्ध समितिमा अन्तर्घात गरेको उजुरी
परेको अन्नपूर्ण पोस्टमा खबर छ । उजुरीमा संसदीय बोर्डका सदस्यदेखि
केन्द्रीय सदस्यसम्मको नाम छ । उजुरी परेका ३१ जनामा संसदीय बोर्ड सदस्य
सुजाता कोइराला, केन्द्रीय सदस्य डीना उपाध्याय, मीना सुब्बा र राजन
पन्तसहित समानुपातिकतर्फका उम्मेद्वार छन् ।
एक केन्द्रीय सदस्यका अनुसार
उपाध्यायले समितिले स्पष्टीकरण सोध्ने र बयान लिने काम नगरी कारबाहीको
सिफारिस गर्न नसक्ने विधानको व्यवस्था भएको र ती सबै प्रक्रिया पूरा गर्दा
समानुपातिकतर्फ सभासद् छानिइसक्ने हुनाले केन्द्रीय समितिले विशेषधिकार
प्रयोग गरेर अलग्गै छानबिन आयोग गठन गरी एकदुई दिनमै टुंगो लगाउन माग गरे ।
0 comments
Write Down Your Responses