तीन बालक ५ दिनदेखि बेपत्ता, परिवार चिन्तामा
१९ मंसिर, कञ्चनपुर । कञ्चनपुरको झलारी-९ अमरपुरका तीनजना बालक पाँच दिनदेखि बेपत्ता भएका छन् । झलारी एजुकेसनल एकेडमीमा सात कक्षामा अध्ययनरत १३ वर्षका केशव विष्ट र नवीन विष्ट तथा १४ वर्षका भुवन भट्ट बेपत्ता भएका हुन् ।
तीनै जना विद्यालयबाट घर आएपछि मंसिर १५
गतेदेखि परिवारको सम्पर्कमा नरहेका भुवनकी आमा निर्मलादेवी भट्टले
बताउनुभयो । आफन्त र नजिकका झलारी, महेन्द्रनगर र सीमावर्ती भारतीय वनवासा
बजारमा खोजतलास गर्दासमेत फेला पार्न नसकेको उहाँले बताउनुभयो ।
एक्लै कहिले पनि घरबाट बाहिर ननिस्केकाले
कसैले प्रलोभनमा पारेर उनीहरूलाई भारततर्फ लगेको हुन सक्ने केशवकी आमा
राजमाती विष्टले बताउनुभयो । बेपत्ता तीनै जनाको खोजतलासका लागि इलाका
प्रहरी कार्यालय झलारीमा निवेदन दिए पनि हालसम्म फेला पार्न नसक्दा पूरै
परिवार चिन्तामा रहेको उहाँले बताउनुभयो ।
घरमा राखेको १० हजार रुपैयाँसमेत नरहेकाले
बालकलाई प्रलोभनमा पारेरे लगेको उहाँको भनाइ रहेको छ । इलाका प्रहरी
कार्यालय झलारीका प्रहरी निरीक्षक निरञ्जन भट्टले बालकहरू बेपत्ता भएको
कार्यालयमा निवेदन आएपछि खोजतलासको कार्यलाई तीव्र बनाए पनि हालसम्म फेला
पार्न नसकेको बताउनुभयो । रासस
0 comments
Write Down Your Responses