कर्मचारीको खल्तीमा ‘दलाल’को मोवाइल
८
पुस, काठमाडौं । वैदेशिक रोजगार र श्रम विभागका कर्मचारीले वैदेशिक
रोजगारमा संलग्न ‘दलाल’ बाट विभिन्न बाहनामा अतिरिक्त ‘असुली गर्दै आएको
खुलासा भएको छ । उनीहरुले प्रयोग गरेको मोवाइलसमेत व्यवसायीले किनिदिने
गरेको भेटिएको छ।
अख्तियार दुरुपयोग अनुसन्धान आयोगले यस्तो
अनियमितता प्रकरणमा संलग्न भएको आरोपमा वैदेशिक रोजगार विभागका निर्देशक
रमेश मैनालीसहित कर्मचारी, वैदेशिक रोजगार व्यवसायी र विचौलिया गरी ६४ जना
विरुद्ध विशेष अदालतमा भ्रष्टाचार मुद्धा दायर गरेको छ ।
‘वैदेशिक रोजगार र श्रम विभागका अधिकांश
कर्मचारीका लागि व्यवसायी तथा दलालले सिमकार्ड र मोवाइल किनेर दिने गरेको
भेटिएको छ,’ स्रोतले भन्यो, ‘अतिरिक्त आम्दानीका लागि आफूले गर्ने गतिविधि
पहिचान नहोस र सुरक्षित रहन सकियोस भनेर सुरक्षाका लागि कर्मचारीले
व्यवसायीले उपलब्ध गराउने मोवाइल प्रयोग गरेका हुन् ।’ संलग्नहरुको बयान र
प्रहरी छानबिनबाट सिमकार्ड दुरुपयोग भएको पत्ता लागेको हो । वैदेशिक
रोजगारका लागि आवेदन दिएका ७७ जनाको फाइल हराएको प्रकरण छानविनका क्रममा
यस्तो खुलासा भएको कान्तिपुर दैनिकमा खबर छ ।
0 comments
Write Down Your Responses