एसएमएसबाटै सवारीसाधनको सुरक्षा
२० फागुन, चितवनन । मोबाइल एसएमएसबाटै सवारीसाधनको सुरक्षा गर्न सकिने प्रविधिलाई चितवनमा प्रयोगमा ल्याउन थालिएको छ । सुरक्षा ट्रेडिङ सेन्टर नारायणगढले चितवनमा यस्तो प्रविधि भित्र्याएको हो ।
मोबाइल
फोनबाट आफ्नो सवारीसाधनको अवस्था बुझ्न सकिने अत्याधुनिक इलेक्ट्रोनिक
प्रणालीको विकास गरिएको ओरियन्टल सेक्युरिटी सर्भिसका प्रबन्ध निर्देशक
प्रकाश पौडेलले जानकारी दिए ।
पौडेलले
‘टिआर लक’ उपकरणमार्फत यस्तो जानकारी लिनसकिने बताए । सवारीसाधनमा यस्तो
उपकरण जडान गरेपछि सवारी साधन चोरी भएमा मोबाइलमा स्वतः सन्देश (म्यासेज)
आउने र त्यही अवस्था अनुसार चोरलाई पक्राउ गर्न सहयोग पुग्नेछ ।
‘टिआर लक’ जडान गरिएको सवारी साधन चोरी भए घरमै बसेर उक्त सवारीसाधन बन्द गर्न सकिने पौडेलको भनाई छ ।
सवारी
साधनमा टिआर लक जडान गरिएको छ भने उक्त सवारी हराएको खण्डमा पनि घरमै
जानकारी आउने पौडेलले बताए । ‘टिआर लक जडान गरिएको सवारीसाधन अरु कसैले
लगेर उच्च गतिमा चलाएको खण्डमा घरमै बसेर आफाैले नियन्त्रण गर्न सकिन्छ’
पौडेलले भने ।
उक्त लकको सहायताले सवारी साधनको अवस्था, सवारीसाधन कुन् स्थानमा छ भन्ने लगायतका सबै जानकारी मोबाइलबाटै लिन सकिनेछ ।
मोटरसाइकल,
कार, भ्यान, जिपलगायत जुनसुकै सवारीसाधनमा पनि टिआर लक जडान गर्न सकिने
उल्लेख छ । उक्त इलेक्ट्रोनिक प्रणाली चार महिना अगाडि सिङ्गापुरबाट
नेपालमा भिर्याइएको हो ।
हाल
काठमाडौा, वीरगञ्ज, धनगढी, नेपालगञ्जलगायतका ठाउँमा टिआर लकको सुविधा
उपलब्ध गराइएकोे पौडेलले जानकारी दिए । नारायणगढमा सुरक्षा ट्रेडिङ सेन्टर
खोलिएपछि देशका अन्य स्थानमा पनि चााडै नै यो सुविधा उपलब्ध गराइने बताइएको
छ । रासस
0 comments
Write Down Your Responses