पूर्वराजाकी दिदीको घरजग्गा लिलाम बढाबढमा
काठमाडौं
। पूर्वराजा ज्ञानेन्द्रका दिदी भिनाजुको घरजग्गा लिलामी हुन लागेको छ ।
पूर्वशाहज्यादी केतकी चेस्टरको नाममा काठमाडौं महानगरपालिका वडा नं ७ मा
रहेको ६ रोपनी जग्गा र त्यसमा बनेको घर लिलाम बिक्री हुन लागेको हो ।
विभिन्न व्यवसायमा हात हालेकी केतकीले फाइनाइन्सको ऋण नतिरेका कारण उनलाई कालोसूचीमा राख्ने तयारीसमेत फाइनाइन्स कम्पनीले गरेको छ । पूर्वराजा
ज्ञानेन्द्रकी दिदी केतकी, भिनाजु एलेन चेस्टर र केतकीका ससुरा फ्यांक
एडगर चेस्टर ऋणी रहेको र उनीहरुले बारम्बार ताकेता गर्दा पनि फाइनाइन्सको
ऋण नतिरेकाले उनीहरुलाई कालो सूचीमा समेत राखिने भएको छ ।
स्रोतका अनुसार केतकीको परिवारले
विष्णुमति नानक मठगुठीको नाममा दर्ता रहेको जग्गा धीतो राखेर इन्भेष्टमेन्ट
फाइनाइन्स कम्पनी लिमिटेडबाट लिएको थियो । मठगुठीको नाममा रहेको सो जग्गा
केतकीका नाममा मोही दर्ता रहेको छ । सोही जग्गामा घरसमेत बनाइएको छ । दरबार
हत्याकाण्डमा घाइते समेत बनेकी केतकीको परिवार भने उक्त गुठीको जग्गामा
नभई काठमाडौं १५ छाउनीमा बस्ने गरेको अवस्थामा उनीहरुले उक्त गुठीको जग्गा
फाइनाइन्समा राखेर ऋण लिएका हुन् ।
0 comments
Write Down Your Responses