विमानस्थलमा बन्ने भयो पाँचतारे ‘एयरपोर्ट होटल’
काठमाडौं
। त्रिभुवन अन्तर्राष्ट्रिय विमानस्थलमा पाँच तारे एयरपोर्ट होटल निर्माण
गरिने भएको छ । निर्माण-सञ्चालन-स्वामित्व हस्तान्तर (बुट) मोडालीटीमा
एयरपोर्ट परिसरमा पाँच तारे होटल निर्माण गर्न लागिएको हो ।
एयरपोर्टमा होटल निर्माण गर्नका लागि
नेपाल नागरिक उड्डयन प्राधिकरण (क्यान) ले प्रकृया अगाडी बढाएको हो ।
एयरपोर्टमा पाँच तारे होटल निर्माण गर्ने क्यानको प्रस्तावलाई
अर्थमन्त्रालयले स्वीकृति दिइसकेको छ । संस्कृति, पर्यटन तथा नागरिक उड्डयन
मन्त्रालय मार्फत क्यानले उक्त प्रस्ताव अर्थमन्त्रालयमा स्वीकृतिका लागि पेश गरेको थियो ।
‘अर्थमन्त्रालयले स्वीकृति दिएपछि होटल
निर्माण प्रकृया अगाडी बढ्ने देखिएको छ’ क्यानका महानिर्देशक ररिशचन्द्र
लाल सुमनले भन्नुभयो- ‘मन्त्री परिषदले स्वीकृति दिँदा वित्तिकै प्रकृया
अगाडी बढाउँछौं ।’ प्रस्तावलाई अन्तिम स्वीकृति दिलाउन पर्यटन मन्त्रालयले
मन्त्री परिषदमा पठाउने जानकारी दिँदै उहाँले भन्नुभयो- ‘मन्त्री परिषदमा
भएको भूमि सम्बन्धी समितिले प्रस्ताव पास गरेपछि सार्वजनिक सूचना निकाल्छौं
।’
मन्त्रीपरिषदको स्वीकृति पाएपछि होटल
निर्माणका लागि टेन्डर प्रकृयामा जाने क्यानको तयारी छ । टेन्डर आव्हान
गर्दा जसले सबैभन्दा राम्रो प्रस्ताव राख्छ, उसैलाई होटल निर्माण तथा
सञ्चालनको जिम्मा लगाउन महानिर्देशक रतिशचन्द्रले बताउनुभयो । सञ्चालकले ३०
वर्षपछि जग्गा र होटल सरकारलाई हस्तान्तरण गर्नुपर्ने हुन्छ ।
क्यानले एयरपोर्ट परिसरमा रहेको आयल
निगमको कार्यालय नजिक होटल निर्माण गर्न लागेको हो । होटल ११६ रोपनी
क्षेत्रफलमा फैलिने बताइएको छ । क्यानका अनुसार जग्गाको भाडा भने अझै तय
भैसकेको छैन् ।
‘हरेक देशका एयरपोर्टहरुमा सुविधासम्पन्न
स्टार होटलहरु हुन्छन’ रतिशचन्द्रले भन्नुभयो- ‘नेपालमा अहिलेसम्म होटल
निर्माण गर्न सकिएको छैन् ।’ एयरपोर्ट प्रयोगकर्ताहरुलाई सहज होस भनेर
एयरपोर्ट परिसरमा सुविधा सम्पन्न होटल खोलिएको हुन्छ । त्रिुभवन विमानस्थल
हुँदै रातीमा नेपाल भित्रिने तथा बाहिरिनेहरुलाई होटल सञ्चालनमा आएपछि सहज
हुने क्यानको विश्वास रहेको छ ।
एयपोर्टमा होटल सञ्चालनमा आएपछि विदेशी
एयरलाइन्सहरुको ट्रान्जिट पनि बढ्ने विश्वास गरिएको छ । ‘पछिल्लो समय
मान्छेमा व्यस्तता बढ्दै गइरहेको छ’ उहाँले भन्नुभयो- ‘यस्तो अवस्थामा
कन्फ्रेन्स हलसहितको सुविधा सम्पन्न होटल सञ्चालन गर्न सकियो भने विदेशबाट
आउनेहरु एकैदिनमा कार्यक्रम सिध्याएर फर्किन सक्छन् ।’
होटलमा २ सयभन्दा बढी रुमहरु हुने बताइएको
छ । साथै, सुविधा सम्पन्न पार्किङको व्यवस्था हुनेछ । होटलको निर्माण
खर्च, अन्य सेवा सुविधाहरु अझै तय नभएको बताइएको छ । सार्वजनिक निजी
साझेदारीमा एयरपोर्टमा होटल निर्माण गर्दा नेपालको पर्यटन उद्योगमा पनि
सकरात्मक प्रभाव पार्ने अनुमान गरिएको छ ।
0 comments
Write Down Your Responses