मोरङमा फरार अभियुक्तको संख्या २ सय बढी
विराटनगर
। वर्षौंदेखि फरार विभिन्न घटनाका अभियुक्तहरुलाई प्रहरीले पक्राउ गर्न
असफल भएपछि मोरङमा फरार अभियुक्तको संख्या दुई सयमाथि पुगेको छ ।
प्रहरीले २२ वर्षअघि देखि फरार भएका
अभियुक्तहरुलाई पनि पक्रन सकेको छैन । फरार अभियुक्तहरुलाई पक्रन तदारुकता
देखाइरहेको दावी प्रहरीले गरिरहँदा फरारको सूची भने बढिरहेको छ ।
अदतलमा मुद्धा चलिरहेका विभिन्न अपराधमा
संलग्नहरुको संख्या बढिरहेको कुरा प्रहरीकै तथ्यांकले पनि देखाउँछ । जिल्ला
प्रहरी कार्यालय मोरङको मुद्धा शाखाको तथ्यांकमा अदतलमा मुद्धा चलिरहेका
धेरै अभियुतmहरु फरारको सूचीमा छन् । पीडितले न्याय दिलाउन अदालतमा मुद्धा
दर्ता गराएपनि अभियुतmहरु फरार रहेकाले पीडितलाई न्याय दिन समस्या हुने
गरेको जिल्ला प्रहरी कार्यालय मोरङका प्रहरी उपरीक्षक विश्वराज पोख्रेलले
जनाकारी दिए ।
‘हामी पीडितलाई न्याय तथा पीडकलाई सजाय
दिने अभियानमा छौं, अब फरार अभियुक्तहरुलाई नियन्त्रणको काम पनि मूख्य
हुनेछ ।’ एसी पोख्रेलले भने । २२ वर्ष अघिदेखि फरार रहेका व्यक्तिलाई
प्रहरीले अहिलेसम्म कानुनी दायरामा ल्याउन नसकेपछि पीडितहरुले असुरक्षित
भएर बाँच्नुपरेको छ ।
प्रहरीको तथ्यांकमा ६ महिलासहित २ सय ११
जना अभियुक्त फरार सूचीमा छन् । जिल्ला प्रहरी कार्यालयको मुद्धा शाखाको
तथ्यांकमा सबैभन्दाबढी एक सय २२ जना कर्तव्य ज्यान मुद्धाका आरोपित फरार
छन् । त्यसमा ५ जना महिला पनि रहेका छन् ।
यसैगरी खुन डाँकाका ४५ जना, जवरजस्ती
करणीका ९ र ज्यानमार्ने उद्योगका ३१ जना फरार छन् । त्यसैगरी अपहरण
मुद्धाका ११ जना फरार छन् । त्यसैगरी मानव बेचबिखन, हात हतियार खरखजना,
लागूऔषध, जिउ मास्ने बेच्ने लगायतका घटनामा सलग्नको फरार सूचीपनि लामो छ ।
प्रहरीका अनुसार जिल्ला प्रहरी कार्यालयमा
आर्थिक वर्ष ०४८/४९ देखि ०६७/६८ सम्म मुद्धा दायर भएका घटनाका फरार
अभियुक्तको सूची रहेको छ ।
0 comments
Write Down Your Responses