प्रेम जोगाउन बन्दनाले हालिन् आफ्नै बाबुविरुद्ध मुद्धा
काठमाडौं
। आफ्नो प्रेम विवाह छुटाउन लागेको भन्दै एक युवतीले बाबुविरुद्ध मुद्दा
हालेकी छन् । परिवारको सहमति विना रोशनकुमार यादवसँग विवाह गरेकी धनुषा ७
की बन्दना यादवले बाबु योगेन्द्रविरुद्ध सर्वोच्च अदालतमा मुद्दा दायर
गरेकी हुन् ।
मुद्दाको प्रारम्भिक सुनुवाइ गर्दै
सर्वोच्च अदालतले समेत हालै मात्र अर्को आदेश जारी नहुँदासम्म निवेदकलाई
पक्राउ नगर्न आदेश दिएको छ ।
बन्दनाले सर्वोच्चमा दिएको निवेदन अनुसार
बाबुले उनलाई पढ्न काठमाडौं मैतिदेवीस्थित दिदी भिनाजुसँग राखेका थिए । तर,
भिनाजुले अनुचित व्यवहार गरेको भन्दै उनले निवेदनमा भनेकी छन्-’मैले आफ्नो
पिताजीलाई मलाई भिनाजुको घरमा नराखी आफ्नो संरक्षणमा नलिए मेरो सतित्वको
रक्षा हुन नसक्ने भएकाले म बाध्य भएर भाग्नु पर्ने कुराफोनमा अनुरोध गर्दा
कुनै सुनुवाइ भएन ।’
भिनाजुको व्यवहारका कारण आजित आफूलाई
सिरहा बिध्यागनर २ का रोशनकुमार यादवले सान्त्वना दिएको र उनैसँग प्रेम
गरेको भन्दै उनले आफैंले बिहेको प्रस्ताव राखेको उल्लेख गरेकी छन् ।
रोशनले केही समय पर्खन भनेको तर, आफूले
विवाह नगर्ने हो भने आत्महत्या गर्ने बताएपछि गत असोजमा सप्तरीको
राजविराजस्थित राजदेवी मन्दिरमा विवाह गरेको बन्दनाले बताएकी छन् । विवाह
पश्चात बाबुको धम्कीकै कारण रोशनले समेत घरमा भित्र्याउन आनाकानी गरेको
भन्दै उनले सप्तरी जिल्ला अलदातमा नाता कायम मुद्दा समेत दायर गरेकी छन्,
जुन विचाराधिन छ ।
हाल रोशन र उनको परिवारको स्वीकार गरेको
भन्दै बन्दनाले निवेदनमा आफूहरुलाई छुटाउन माइती पक्षले अपहरण गर्ने र
जवर्जस्ती अर्कैसँग विवाह गराउने प्रयास गरेको भन्दै बाबुविरुद्ध मुद्दा
दायर गरेकी छन् ।
आफूले इच्छा अनुसार विवाह गरेको भएपछि
माइतिपक्षले परिवारका अन्य सदस्यलाई झुटा मुद्दा लगाएको भन्दै उनले आफू र
आफ्नो पतिको जीवन रक्षाको माग गरेकी छन् ।
0 comments
Write Down Your Responses