स्थायी बसोबास विदेशको, जागिर नेपालको
काठमाडौं । डीभी परेपछि नेपाल प्रहरीका नायब उपरीक्षक (डीएसपी) जगदीश पोखरेल केहीअघि राजीनामा गरी परिवारसहित अमेरिका बसाइँ सरे । प्रहरीमा कुशल अधिकृतमा दरिने उनी राजीनामा गर्ने बेला महाराजगन्ज वृत्तको प्रमुख थिए । ‘मेरो नजरमा राम्रा र उज्जल भविष्य भएका अफिसर भएकाले नजाऊ भने,’ मुख्यसचिव लीलामणि पौडेलले भने, ‘उनले जाने मनस्थिति बनाईसकेका रहेछन् ।’ प्रहरी उपरीक्षक (एसपी) दिवस उदास डीभी परेपछि राजीनामा गरी हिँडे । निरीक्षक (इन्स्पेक्टर) विनोद खरेलले हालै जागिर छाडे ।
सरकारी सेवामा आकषएक करिअर हुँदाहुँदै
अमेरिकाको डीभी वा अस्ट्रेलिया, इंग्ल्यान्ड, क्यानडाको स्थायी बसोबास पीआर
भई जाने थुप्रै छन् । कतिपयले परिवारलाई विदेशमा बसोबास गराई आफूचाँही यही
जागिर खाएर बसेका छन् । प्रहरीकै वरिष्ठ उपरीक्षक शिव लामिछानेको परिवार
डीभी परेपछि अमेरिकामा छन् । अर्थ मन्त्रालयका सहसचिव नवराज भण्डारीको
परिवार पनि अमेरिका बसाई सरेको छ । दुई वर्ष वेतलबी बिदामा परिवारसहित
बिताई भण्डारी केहीअघि फर्केका छन् । राष्ट्र बैंकका डेपुटि गर्भनर
गोपालप्रसाद काफ् ले पनि काठमाडौंको घरमा एक्लै बस्छन् । उनको परिवारजन पनि
अमेरिकामै छन् ।
मुख्यसचिव लीलामणि पौडेलले ३ महिनाअघि सबै
मन्त्रालयलाई विदेशमा स्थायी बसोबासको अनुमति लिए पनि जागिर खाइरहेका
कर्मचारीको नाम संकलन गर्न सर्कुलर गरेका थिए । नामावली प्राप्त भए
बसोबासको अनुमति दिने मुलुकको कूटनीतिक नियोगसँग भेरिफाइ गरी ठेगाना लगाउने
उनको योजना थियो । ‘मन्त्रालयहरुबाट एकजनाको पनि नाम आएन,’ मुख्यसचिव
भन्छन् ।
गि्रनकार्ड वा पीआर लिएको कुरा कसैले
स्वीकार नगर्ने र अरुले भनेको भरमा लेख्न गाह्रो परेको सचिवहरुले बताएका
छन् । गतवर्ष मानवता विरुद्धको अपराधमा सेनाका कर्णेल कुमार लामा लन्डनमा
समातिएपछि उनी मतदानबाहेकका सबै अधिकार पाउने बेलायती नागरिक भइसकेको
खुलासा भएको थियो । लामा प्रकरणका साथै एउटा कन्सल्टेन्सीले जागिर नेपालमा
घर क्यानडामा भन्दै पीआरको लागि आवेदन गर्न विज्ञापन गरेपछि मुख्यसचिब
तातेको कान्तिपुर दैनिकमा खबर छ ।
केही नाम अनौपचारिक रुपमा आएपनि उनीहरुमाथि के गर्ने भन्ने बारे अहिलेसम्म टुंगो लागेको छैन् ।
0 comments
Write Down Your Responses