एके ४७ रार्इफलका आविष्कारक रहेनन्

९ पुस, काठमाडौं । एके-४७ राईफलका आविष्कारक रसियन नागरिक मिखाईल क्लाशनिकोभको ९४ वर्षको उमेरमा सोमबार निधन भएको छ । गत नोभेम्बरमा आन्तरिक रक्तश्रावको उपचारका लागि मस्को अस्पतालमा भर्ना भएका उनको मुटुमा समस्या देखिएपछि पेसमेकर राखिएको रूसी सञ्चारमाध्यमहरुले जनाएका छन् ।
क्लाशिनोभवले आविश्कार गरेको एके-४७ राईफल विश्वमै सबैभन्दा बढी प्रयोगमा ल्याइएको राईफल हो । क्लासनिकोभ राईफालका नामले समेत परिचित यो रार्इफल जर्मन हतियारलार्इ विस्थापित गर्दै रुसले प्रचलनमा ल्याएको थियो
क्लाशनिकोभले १९४१ मा विश्व युद्धको क्रममा तोपको गोला लागी घाईते भएका थिए । एके–४७ राइफलबाट विश्वमा अन्य बन्दुकहरुभन्दा बढी मानिस मारिएका छन् । यो हतियार विश्वका धेरै देशहरुमा सरकारी सुरक्षानिकाय र गुरिल्ला युद्धमा सहभागीहरुले पनि प्रयोग गरिरहेका छन् ।

Labels: Technology, अन्तराष्ट्रिय, इन्टरनेशनल