मदिराले मालामाल कोदो व्यापारी
२१
मंसिर, सिन्धुपाल्चोक । सिन्धुपाल्चोकमा वाषिर्क उत्पादन हुने २३ हजार
मेटि्रक टन कोटोमध्ये ९० प्रतिशत रक्सी बनाउन खपत हुने गरेको छ । १०
प्रतिशत कोदोमात्र खाना र वीउ भण्डारमा उपयोग हुन्छ । ठूलो परिणाममा रक्सी
बनाउन खपत हुने गरेपछि कोदोको मूल्यपनि बढेको कृषि विकास कार्यालयले जनाएको
छ ।
जिल्लाको ११ हजार ३ सय हेक्टर जमिनमा
कोदोखेती हुन्छ । ६० प्रतिशत जनजातिको बसोबास रहेको जिल्लामा चाडपर्व र
धार्मिक कार्यमा समेत कोदोबाट बनाइएको रक्सी प्रयोग हुन्छ । ब्राह्मण
समुदायले कोदोलाई कुअन्नका रुपमा लिने हुँदा उनीहरुले उपभोग नगरी रक्सी
उत्पादकलाई बेच्ने गरेका छन् ।
अहिले जिल्लामा १ पाथी कोदोको मूल्य ठाउँ
अनुसार ९० देखि २ सय रुपैयाँसम्म पर्ने कारोबार दैनिकमा खबर छ । गत वर्ष ७०
देखि १ सय ४० रुपैयाँसम्म खरिद बिक्री भएको थियो ।
कोदोबाट गाउँ-गाउँमा उत्पादित रक्सी
जिल्लाका प्रमुख व्यापारिक केन्द्र तातोपानी बाह्रबीसे, खाडीचौर,
लामोसाँघु, बलेफी, चौतारा, नवलपुर, मेलम्ची, बाहुनेपार्टी,
तालामाराङलगायतका बजारमा खपत हुन्छ । झन्डै उत्तिकै परिमाणमा गाउँका पसल,
होटल र घरमा खपत हुनेगरेको छ ।
0 comments
Write Down Your Responses