विद्यालयबाट भाग्ने विद्यार्थी पुलिसबाट समातिँदै
रुकुम
। पढ्न गएको समयमा विद्यालय छाड्ने बानी छ भने होसियार, प्रहरीको फन्दामा
पर्नुपर्ला ? बिहान १० देखि साँझ ४ बजेसम्म विद्यालयमा रहेर शिक्षण
क्रियाकलापमा सहभागी नहुने हो भने तपाई प्रहरीको फन्दामा पर्ने पक्का छ ।
यस्तै
नयाँ अभियान सुरु गरेको छ रुकुमको एक विद्यालयले । विद्यार्थीको गलत
क्रियाकलाप थाम्न नसकेर विद्यालय प्रशासन हैरान भएपछि बीचैमा विद्यालय
छोड्ने विद्यार्थी समात्न जिल्ला सदरमुकाममा रहेको त्रिभुवन जनता
उच्चमाविले सामुदायिक प्रहरीलाई गुहार्दै नयाँ अभियान सुरु गरेको हो ।
रुकुम जिल्लाको पुरानो विद्यालयको रुपमा
चिनिएको त्रिभुवन जनता उच्च माध्यमिक विद्यालयका विद्यार्थी समयमा
विद्यालयमा उपस्थित नहुने, कक्षा छाड्ने, विद्यालय पोसाकबिना विद्यालयमा
घुम्ने, लागूपदार्थको दुव्र्यसनीमा फस्ने, सिनेमा हल र पुलहाउसमा
धाउनेजस्ता क्रियाकलाप देखाउन थालेपछि सामुदायिक प्रहरीलाई गुहारिएको
अन्नपूर्ण पोस्टमा खबर छ ।
विद्यार्थी शिक्षक र विद्यालय प्रशासनलाई
बेवास्ता गर्न थालेपछि अघिल्लो साताबाट विद्यालयले प्रहरी लगाएर छापा मार्न
थालेको हो । विद्यालय समयमा बजारमा नीलो पाइन्ट र सेतो सर्टसँगै घाँटीमा
विद्यालयको लोगो अंकित टाई लगाएका छात्रछात्रा देख्नेवित्तिकै प्रहरीले
समातेर सोधपुछ गर्न थाल्नेछ ।
विद्यालयले प्रहरीलाई अनुरोध गरेर पत्र लेखेपछि प्रहरीले विद्यार्थीलाई सतर्क पार्न थालेको हो ।
0 comments
Write Down Your Responses