संविधान लेखनको काममा शुरुवात नै नभएपनि सभासदको एक महिनाको तलव पाक्ने समय भएको छ । सभासदले सपथ खाएको दिनदेखी तलव पाकेका कारण फागुन ७ मा उनिहरुले पहिलो महिनाको पारिश्रमिक पाउने छन् ।

संसद सचिवालयले प्रकाशित गरेको तालिका अनुसार ४० हजार १ सय ६० तलव, १ हजार २ सय ४८ बिजुलीको महसुल बराबर पाउछन् ।

यसैगरी टेलिफोन २ हजार, घरभाडा ६ हजार ५ सय, मसलन्द १ हजार र पत्रपत्रिकाका लागि ३ सय पाउने गरेका छन् ।

संविधानसभा अध्यक्षले भने ४८ हजार ९ सय ५० र उपाध्यक्षले ४४ हजार ३ सय ३० रुपैया तलव पाउछन् । विपक्षी दलको नेताले पनि उपसभामुख सरह ४४ हजार ३ सय ३० सुविधा पाउछन् ।

सदनमा प्रमुख विपक्षी दलका नेताले मन्त्री सरह सुबिधा पाउछन् । प्रमुख सत्तारुढ दलका मुख्य सचेतकले पनि विपक्षी दलका नेता सरह सुविदा पाउछन् ।

सत्तारुढ दलको सचेतक र विपक्षी दलका मुख्य सचेतकले भने सभासदले भन्दा थोरै मात्र बढी सुविधा पाउने गरेका छन् ।

सभासदको तलव भत्ता धेरै भयो भनेर आलोचना गरेपनि सभासदका पीडा भने वेग्लै छन् । ‘हामी ०५६ सालमा चुनाल जितेर प्रतिनिधि सभा आउदा पनि पत्रपत्रिकाको लागि ३ सय रुपैया पाइन्र्थो, १४ बर्ष पछि पनि उही छ, कसरी भत्ता बढी भयो ।’