छोरी- बुहारी अर्कैसँग गएपछि आमाद्वारा आत्महत्या
१५
चैत, स्याङ्गजा । विवाहित दुई छोरी र एक बुहारी अर्केसँग एपछि
चित्रेभञ्ज्याङ्ग गाविस-८ की ४१ वर्षीया खुममाया रानाले आत्महत्या गरेकी
छन् । रानाका विवाहित छोरीहरु १८ वर्षीया तारादेवी राना र १५
वर्षीया ज्योति राना तथा बुहारी १४ वर्षीया सोनिया रानालाई क्यामीका
अमबहादुर आले, दुर्गाबहादुर आले र रामबहादुर आललेले फागुन २८ गते भगाएर
नारायणगढ लगेका थिए ।
छोरीबुहारी भागेपछि विक्षिप्त भएकी
खुममायाले फागुन ३० मा आत्महत्या गरेको प्रहरी अनुसन्धानबाट खुल्न आएको छ
। प्रहरीका अनुसार उनीहरुलाई भगाउने तीनैजना पुरुषको पनि घरमा पत्नी र
सन्तान छन् । मृतक रानाका दुई छोरीका पति वैदेशिक रोजगारका लागि दुबई र
कतारमा छन् ।
दुई छोरी र बुहारीको लालनपालन र संरक्षक
बनेकी उनले छोरी र बुहारी परपुरुषसँग भागेको दुई दिनपछि झुन्डिएर आत्महत्या
गरेकी खबर आजको अन्नपूर्ण पोष्टले छापेको छ ।
खुममायाका पति भारतको एक कम्पनीमा काम
गर्छन् । तीन सन्तानमध्ये उक छोरा वैदेशिक रोजगारीमा मलेसियामा छन् ।
झुन्डिएको अवस्थामा मृत भेटिएकी रानालाई भारतमा रहेका उनका पतिको
सल्लाहअनुसार गाउँलेले अन्त्येष्टि गरेका छन् ।
बयरघारीकाा उक विद्यार्थीलाई ठक्कर दिएको
आरोपमा दुर्गाबहादुर र मृतककी छोरी ज्योतिलाई प्रहरीले पक्राउ गरेपछि
अनुसन्धानबाट यो रहस्य खुल्न आएको हो । मृतकका पतिको भनाइका आधारमा शवको
अन्त्येष्टि गरेको भन्दै प्रहरीले थप अनुसन्धानका लागि १२ जना गाउँलेलाई
पक्राउ गरेको जिल्ला प्रहरी कार्यालयका प्रहरी नायव उपरीक्षक आभुषण
तिमल्सिनाले बताए ।
0 comments
Write Down Your Responses