भारतको अहमदाबादमा खुलेको एक रेष्टुरेन्ट भने सुन्दै डरलाग्दो छ । जहाँ तपाईले चिहानको छेउमा बसेर भोजन गर्नुपर्छ ।

चिहानमा बसेर भोजन गर्नुपरे पनि ग्राहकलाई कुनै डर छैन, झनै रोमाञ्चकता महसुस गरिरहेका छन् । रेष्टुरेन्टभित्र झण्डै १ दर्जन चिहानहरु छन जसलाई फलामको रेलिङले घेरेर राखिएको छ ।

लक्की नाम गरेको यो रेष्टुरेन्ट संचालक हुन कृष्णनन् कुट्टी । चिहानमा रेष्टुरेन्ट खोल्दा कृष्णननको भाग्य चम्किएको छ र भने उनको चर्चा देश-बिदेशमा हुन थालेको छ ।

‘मुर्दाको सम्मान गर्नु आबश्यक छ’ कृष्णनन् भन्छन- त्यसैले चिहान पुरेर रेष्टुरेन्ट बनाउनुभन्दा तीनलाई संरक्षण गरेर त्यसकै छेउमा टेवल कुर्सी राख्ने सोंचे ।’

स्थानीय बासिन्दाका अनुसार यहाँ १६ औं सताब्दिका सुफी सन्तहरुको चिहान रहेको छ । अहिले यो रेष्टुरेन्ट युवा तथा बृद्धबृद्धा सवैका लागि राम्रो ह्याङआउट सेन्टर बनेको छ ।