सिरानीमा मोबाइल राख्नु हानिकारक
अचेल मोबाइल फोन यति प्यारो बनेको छ कि
सुत्दा पनि सिरानीमा च्याप्ने धेरैजना छन् । फोन र एसएमएससँगै फेसबुक
च्याटको लागि ‘मोबाइल पिरती’ बढेको छ । यो ‘पिरती’ गाँस्न युवा पुस्ता
अगाडि छन् ।
तर,
यो बानी स्वास्थ्यको लागि हानिकारक रहेको तथ्य वैज्ञानिकहरुले पत्ता
लगाएका छन् । अफकम कम्पनीका वैज्ञानिकहरुले गरेको शोधमा ८० प्रतिशत
प्रयोगकर्ता सिरानीमा मोबाइल च्याप्ने गर्छन् ।
बेलायतस्थित द स्लीप स्कूलका शोधकर्ता डा.
गोय मिडोज अनुसार सुत्दाखेरि सिरानीमा मोबाइल च्याप्दा हाम्रो मस्तिष्क
सक्रिय भइरहन्छ । गहिरो निन्द्रा नपर्दा भोलिपल्टको दिन तनावयुक्त र आलस्य
हुने गर्दछ । जबकि मानिस सुत्दा शारीरिक र मानसिक दुबै आराम आवश्यक पर्दछ ।
सुत्दा मष्तिष्कले विश्राम पाउनुपर्ने हुन्छ ।
हावर्ड युनिभर्सिटीका शोधकर्ता चार्ल
सिजलर भन्छन् ‘सुत्ने बेला साथैमा मोबाइल राख्दा शरिरको प्राकृतिक व्यवहार
प्रभावित हुन्छ । यसले मस्तिष्कलाई दिन र रात छुट्याउन वा सक्रियता देखाउनु
पर्ने वा नपर्ने अलमल हुन्छ ।’
सुत्ने बेला मोबाइल सिरानीमा राख्दा
शरिरमा मेलाटोनिन हर्मोनको नियन्त्रणमा प्रभाव पर्दछ जसले कोर्टिजोन नामक
स्टे्रस हर्मोनको स्तर बढ्छ । यस्तो हुँदा निद्रामा पनि तनाव महसुस
गरिरहेका हुन्छौं ।
0 comments
Write Down Your Responses