छोरी भगाएको भन्दै बजार बन्द
३० फागुन, इटहरी । संगीता शाहकी १९ वर्षकी छोरी मुस्लिम समुदायको युवाले भगाएको भन्दै दुई दिनदेखि सुनसरीको दुहवी बजार बन्द गरिएको छ ।
एक महिनाअघि दुहवी निवासी मोसिम मियाँ नाम
गरेका युवासँग प्रेम सम्बन्धमा गाँसिएकी स्थानीय युवती अमृता शाह
हलुवाईलाई भगाइएको थियो । सो घटनासँगै दुई परिवारबीच भएको छलफलमा भारतको
मद्रासमा लुकिछिपी बसेको युवायुवतीलाई घर फर्काउने सहमति भएको थियो ।
सहमतिअनुसार छोरी फिर्ता नगरेको भन्दै
छोरीका आफन्त तथा दुहवीका स्थानीय बासिन्दाले युवकका अविभावकलाई छलफलमा
बोलाएको थियो । छलफसँगै भएको विवाद कुटाकुटको अवस्थामा पुगेपछि केटी पक्षले
बजार बन्दको आहृवान गरेर बजार बन्द गराएपछि प्रहरीले लाठीचार्ज गरेको थियो
।
त्यसलगत्तै स्थानीय बासिन्दाले मुस्लिम
युवासँग भागेको युवती फिर्ता हुनुपर्ने माग गर्दै अनिश्चितकालीन दुहवीबजार
बन्द गराएका छन् । बन्दका कारण स्थानीय बजार पूर्ण रुपले बन्द भएका छन् ।
युवती फिर्ता नभएसम्म बजार नखोल्ने स्थानीय रञ्जित गोस्वामीले बताए । उता
युवतीकी आमा सञ्जीता शाह हलुवाईले आफ्नो छोरीलाइ जसरी पनि भारतबाट फिर्ता
गर्नुपर्ने भन्दै प्रशासनसँग हारगुहार गरिरहेको बताएकी छिन् ।
घरपरिवारमा मिलनका लािग केटा र केटीलाई
ल्याउने सहमति बने पनि प्रहरीले केटा र केटीलाई झिकाएर सोनापुरको कुनै
गाउँमा लुकाएर कानुनी विवाह गरिदिएपछि केटी पक्षका हिन्दु समुदाय र मुस्लिम
समुदायबीचको विवाद अरू चर्किन थालेको पाइएको छ ।
मुस्लिम समुदायसँग मिलेर प्रहरीले समेत
अन्याय गरेको भन्दै दुहवीवासीले केटाकेटी समाजमा उपस्थित नगराएसम्म बन्द
बजार नखोल्ने घोषणा गरेपछि दुहवी बजारमा अरू तनाव सिर्जना भएको छ । रासस
0 comments
Write Down Your Responses