एसपी चोरीका गाडीमा, डीएसपीले ड्युटीमै गरे मापसे
काठमाडौं । कानुनको पालना गराउने नेपाल प्रहरीका बहालवाल एसपीले नै चोरीको गाडी प्रयोग गर्दै आएका छन् । एसपी जगतमान श्रेष्ठले केही वर्षयता चोरीको गाडी किर्ते कागजपत्रका आधारमा प्रयोग गर्दै आएका छन् ।
हाल भक्तपुर प्रहरी प्रमुख रहेका एसपी
श्रेष्ठले ना २ च ६४२ नम्बरको गाडी प्रयोग गर्दै आएका छन् । नक्कली नम्बर
राखेर उनले चोरीको स्यान्ट्रोकार लामोसमयदेखि प्रयोग गरेको प्रहरी स्रोतले
बताएको नयाँ पत्रिकामा खबर छ ।
यातायात व्यवस्था कार्यालय नारायणीका
अनुसार ना २ च ६४२ नम्बरको कुनै पनि गाडी दर्ता छैनन् । एसपी श्रेष्ठ
पथलैया ट्राफिकमा रहँदा बरामद गरेको सो गाडी उनले प्रयोग गर्दै आएका हुन् ।
डीएसपीले खाएर ड्युटीमै रक्सी
ड्युटीमा मदिरा सेवन गर्ने एक प्रहरी नायव
उपरीक्षक (डीएसपी) कारबाहीमा परेका छन् । महानगरीय प्रहरी वृत्त
कीर्तिपुरका प्रमुख डीएसपी केदार खनाल कारबाहीस्वरुप हुनुमानढोका तालिएको अन्नपूर्ण पोस्टमा खबर छ ।
डीएसपी खनाल बिहीबार साँझ कीर्तिपुरमा
आयोजित भोजमा गएर प्रहरी पोसाकमै मदिरा सेवन गरेका थिए । स्थानीयले
महानगरीय प्रहरी परिसर हुनमानढोकाका प्रहरी प्रमुख एसएसपी रमेश खरेललाई फोन
गरेर जानकारी दिएपछि उनले खनाललाई छानबिनका लागि हनुमानढोका तानेका हुन् ।
0 comments
Write Down Your Responses