समाचार » धरानमा भेटिए पूर्वराजा ज्ञानेन्द्र

source:onlinekhabar १ वैशाख, धरान । पूर्वराजा ज्ञानेन्द्र शाह सुनसरीको चतराधामस्थित बराहक्षेत्रको कुम्भमेलामा शाही स्नान गर्न सोमबार सुनसरी पुगेका छन् ।

पूर्वराजा शाह सोमबार धरानमा देखा परेका छन् । चतराधाममा मंगलबार शाही स्नानको तयारीमा रहेका पूर्वराजा शाहले सोमबार साँझ धरानको बरगाछी चौकमा स्थानीयवासीको आतिथ्य ग्रहण गरे ।

एक महिनासम्म लाग्ने कुम्भ मेलामा यसअघि नै राष्ट्रपति, प्रधानमन्त्री र मन्त्रीहरु सहभागी भइसकेको छन् । मन्त्रिपरिषदका पूर्वअध्यक्ष खिलराज रेग्मी र राप्रपा नेपालका अध्यक्ष कमल थापाले सँगै बराहक्षेत्रमा यसअघि नै शाही स्नान गरिसकेका छन् ।

Labels: समाचार