ग्याङशी प्रान्तको जीवीयनबान गाउँका ४७ वर्षका वेन युआनले २४ वर्षीय छोरा चुआङलाई घाँटीमा साङ्लो बाँधेर ओछ्यानमा राखेका हुन् । छोराको घाँटीमा लगाएको साङ्गलोको अर्को छेउलाई उनले सिमेन्टको ठूलो ब्लकमा लगेर साँचो लगाएका छन् । जसका कारण चुआङ कोठाभन्दा बाहिर जान सक्दैनन् ।

 ’यहाँ ठूलो समाज छैन । जहाँ कसैको चोरी भयो भने कसलाई आरोप लगाउने भन्ने सबैले जानेका छन्’ वेन युआन भन्छन्-’मैले सँधै क्षतिपूर्ति दिएर माफी माग्नुपर्छ । तर, म सधै क्षतिपूर्ति दिइहिड्न सक्दिन ।’ आफूले क्षतिपूर्ति नतिरे प्रहरी बोलाएर आफ्नो छोरालाई जेल हाल्ने भन्दै उनले जेल पठाउनुभन्दा छोरालाई कोठामै बाँधेर राखेको बताए ।