गैह्रकानूनी हिसावले विभिन्न देशको नागरिकता, ग्रिनकार्ड र पिआर लिएका सरकारी सेवामा रहेका कर्मचारीहरुलाई कारवाही गर्ने बताउँदै आएका सामान्य प्रशासन मन्त्री लालबाबु पण्डितलाई शुक्रबार भएको भेटमा राजदूत बोडेले प्रशासन सुधारका लागि गरेको प्रयासको प्रशंसा गरेका थिए ।

‘प्रशासनलार्इ सक्षम र सुदृढ बनाउनुपर्छ भन्दै मैले थालेको कामको प्रशंसा गरे । अमेरिकामा पनि १ सय ७० वर्ष लागेको थियो भनेर सुनाएु राजदुत बोडेको भनाई उदृत गर्दै मन्त्री पण्डितले अनलाइनखबरसँग भने ।

मन्त्री पण्डितका अनुसार भेटमा राजदूत बोडेले अमेरिकाको कानूनले कुनै पनि सरकारी कर्मचारीले अन्य देशको ग्रीनकार्ड, पीआर लिए देशद्रोह जत्तिकै अक्षम्य अपराध मानिने बताएका थिए ।

‘मैले पनि सबैले कानून पालना गर्नुपर्छ । यहाँ पनि सपथ खाएका छन्, त्यसलार्इ विर्सिए भने कारबाही हुन्छ भनेको छुु मन्त्री पण्डितले भने ।

राजदुत बोडेले मन्त्री पण्डितसँग भेटका लागि परराष्ट्र मन्त्रालयमार्फत समय मिलाएका थिए ।