बेपत्ता युवतीको शव फेला
तीन महिनादेखि बेपत्ता भएकी एक युवतीको शव शुक्रबार कालीगण्डकी नदी किनारमा फेला परेको छ ।
पर्वतको शङ्करपोखरी गाविस-९ की २२ वर्षकी
विमला सुवेदीको शव पाङराङ गाविस-७ कालीगण्डकी नदीमा भेटिएको हो । सुवेदी गत
माघ २ गतेदेखि बेपत्ता भएकी थिइन् ।
कालीगण्डकी नदीमा ढुङ्गाको बीचमा सडेगलेको अवस्थामा शव फेला परेको जिल्ला प्रहरी कार्यालय पर्वतले जानकारी दिएको छ ।
सुवेदीको मृत्युको कारण खुल्न नसकेको र अनुसन्धान भइरहेको प्रहरीको भनाइ छ ।
यता घरपरिवारले दाइजोको निहुँमा पटकपटक यातना दिँदै आएका कारण उनी बेपत्ता भएको आरोप माइती पक्षले लगाउँदै आएका छन् ।
विसं २०६९ मङ्सिरमा शङ्करपोखरीका
रुद्रप्रसाद च्वाईसँग विवाह भएको थियो । विवाहपछि ससुरा दुर्गादत्तले
दाँइजोको निहुँमा निरन्तर मानसिक यातना दिँदै आएको आरोप माइती पक्षको छ ।
विमलाले बेपत्ता हुने दिन बिहान आफन्त र साथीलाई आफ्नो अन्तिम सन्देश भन्दै मोबाइलबाट म्यासेज पठाएकी थिइन् । रासस
0 comments
Write Down Your Responses