पूर्वाह्न समय आनन्दमा बित्नेछ। मनोरञ्जनका वस्तुहरू लाभ हुनेछन्। गरेका काम र व्यापार–व्यवसायमा पनि राम्रै फाइदा हुनेछ। व्यावसायिक यात्रा सम्भावना छ। आतिथ्यपूर्ण सम्मान पनि पाइएला। मित्रता र प्रेमको बन्धन कसिनेछ। दिउँसो १२:५३ बजेदेखि स्थिति अलि प्रतिकूल बन्न सक्छ। स्वास्थ्य, महत्वपूर्ण काम र आर्थिक गतिविधिमा सचेत रहनुहोला।

सुरुमा लगानी गर्नुपरे पनि फाइदा हुने काम सुरु होला। यात्रा व्यवस्थापनका लागि खर्च गर्नुपर्नेछ। पतिपत्नीबीच घरसल्लाह पनि नमिल्न सक्छ। तर, वैदेशिक क्षेत्रबाट लाभ लिने मौका छ। मध्याह्नपछि समयमा होस नपुग्नाले सामान्य त्रुटि हुन सक्छ, सचेत रहनुहोला। विभिन्न फाइदाका अवसर भने आउनेछन्। होसियारीसाथ काम लिनुपर्ने बेला छ।