समाचार
»
पूर्वरानीको जन्मोत्सव मनाउन डेढ दर्जनको टोली लिएर ज्ञानेन्द्र शिवपुरी जाने
पूर्वरानीको जन्मोत्सव मनाउन डेढ दर्जनको टोली लिएर ज्ञानेन्द्र शिवपुरी जाने
पूर्वराजा ज्ञानेन्द्र सपरिवार करिब डेढ साता बसाइका लागि शिवपुरी जाने भएका छन् । पूर्वरानी कोमलको ६४ औं जन्मोत्सव मनाउन उनको परिवार शिवपुरी जान लागेको हो ।
बुहारी हिमानी, तीन नातिनातिना, सुसारे र अन्य गरी करिब डेढ दजर्नको टोली शिवपुरीमा बस्न जान लागेको हो । ‘गत वर्ष सिमरामा जन्मोत्सव मनाएकी पूर्वरानी कोमलले यो वर्ष शिवपुरीमा मनाउन लागेकी हुन्,’ उनी निकट स्रोतले बताएको नेपाल समाचारपत्रमा खबर छ ।
कोमलको जन्मदिन नेपालमा प्रजातन्त्र आएको दिन फागुन ७ मा पर्छ । शिवपुरीमा रहेको सामान्य घरमा पूर्वराजा सपरिवार बस्न लागेका हुन् । पूर्वराजा ज्ञानेन्द्रको परिवार फागुन ५ गते शिवपुरीतर्फ जान लागेको छ ।
एकान्त र रमणीय वातावरणमा जन्मोत्सव मनाउने इच्छा भएकाले पूर्वराजा ज्ञानेन्द्रले आफ्नी श्रीमतीको जन्मोत्सव शिवपुरी जंगलमा मनाउन लागेका हुन् । जन्मोत्सवमा शुभकामना दिन चाहनेले यो वर्ष शिवपुरीमै जानुपर्ने व्यवस्था गरिएको स्रोतले जनाएको छ । करिब १० दिन उतैतिर बस्ने व्यवस्थासहित पूर्वराजाको परिवार शिवपुरी जान लागेको हो ।
भिडियोको लागी यहाँ क्लिक गर्नुहोला
0 comments
Write Down Your Responses