अवैध हतियारसहित वृद्द पक्राउ
स्याङ्जा । स्याङ्जाको बाहाकोट-८ का ७१ वर्षीय प्रमेबहादुर खाँडलाई
प्रहरीले हतियारसहित पक्राउ गरेको छ । अवैध हतियारसहित खाँडलाई प्रहरीले
घरेबाट पक्राउ गरेको हो ।
घरमा झगडा गर्ने क्रममा खाँडकी पत्नी
पम्फा खाँड, छोराहरु अर्जुन खाँड, अमिर खाँड, सुजन खाँडले कुटपिट गरी मार्न
खोजेको भन्दै उजुरी दिएपछि पक्राउ गरिएको प्रहरी प्रमुख डिएसपी आभुषण
तिमिल्सनाले बताए ।
खाँडको घरबाट हतियारसहित बारुदका सामान र
मृगको छाला समेत प्रहरीले बरामद गरेको छ । प्रहरीले भरुवा बन्दुक एकथान, १२
बोर बन्दुकको एकथान, कटुवा पेस्तोल एकथान, कटुवा पेस्तोलमा लाग्ने गोली १२
राउण्ड, १२ बोर बन्दुकमा लाग्ने खाली टोटा खोका ६ थान, नपड्केको टोटा १ थान र जङ्गी राउण्ड ४ थान बरामद गरेको छ । खाँडविरुद्द ज्यान मार्ने उद्योगमा मुद्दा चलाइएको प्रहरीले जनाएको छ ।
0 comments
Write Down Your Responses